10 сентября 2013
14 сентябрь көнне Миякә районы Олы Кәркәле авылында Айдар Галимов призына футбол буенча яшүсмерләр арасында республика турниры үткәреләчәк. Традициягә әверелгән ярыш бу елны алтынчы тапкыр оештырыла һәм монда Бишбүләк, Благовар, Иглин, Миякә, Стәрлетамак, Стәрлебаш, Федоровка районнарыннан иң оста яшь футболчылар көч сынашачак.
Шулай ук бу көнне Олы Кәркәле авылында Бөек Ватан сугышында ятып калган якташлар истәлегенә багышланган мемориал нигезенә беренче таш салыначак.
Барлык теләүчеләрне футбол карарга һәм үз командалары өчен җан атарга чакырабыз! Сәламәт тәндә – сәламәт рух!